«AM» ընկերությունը հերթական անգամ օգնել է քաղաքացուն Pro Bono (հասարակական հիմունքներով) գործունեության շրջանակներում. ապահովագրական ընկերությունը հատուցել է քաղաքացու ծախսերը:

30 Հունվար, 2014

ՀՀ քաղաքացի Հովհաննես Թումասյանը դիմել է «AM»  իրավաբանական ընկերությանը իր ոտնահարված իրավունքները վերականգնելու նպատակով: Հանդիսանալով «Նաիրի Ինշուրանս» ընկերության կողմից ապահովագրված անձ, Թումասյանը հոսպիտալացվել և հատուցման ենթակա համապատասխան բժշկական ծառայություններ է ստացել «Քանկոր» սիրտ-անոթային բժշկական կենտրոնում, ինչից հետո դիմել է «Նաիրի Ինշուրանս» ընկերությանը` հատուցում ստանալու նպատակով, սակայն ստացել է մերժում:

Ուսումնասիրելով գործի մանրամասները` «AM» իրավաբանական ընկերությունը որոշում է կայացրել հասարակական հիմունքներով օգնել  Հովհաննես Թումասյանին վերականգնել իր իրավունքները և, որպես վերջինիս ներկայացուցիչ, հատուցում ստանալու նպատակով դիմել է «Նաիրի Ինշուրանս» ընկերությանը, սակայն ստացել է մերժում: «AM» ընկերության իրավաբանները շարունակել են պայքարել քաղաքացու ոտնահարված իրավունքրը վերականգնելու համար և  պահանջ-դիմում են ներկայացրել ՀՀ Ֆինանսական համակարգի հաշտարարի գրասենյակ: Արդյունքում ՀՀ Ֆինանսական համակարգի հաշտարարի գրասենյակը որոշում է կայացրել հօգուտ Հովհաննես Թումասյանի և «Նաիրի Ինշուրանս» ընկերությանը պարտավորեցրել հատուցել Հովհաննես Թումասյանի կատարած ծախսերը: Այսպիսով քաղաքացու իրավունքները վերականգնված են:

Լրահոս
Կարծիքներ
Facebook
 

Կապվել մեզ հետ