Վերաքննիչ դատարանը վերահաստատեց Արսեն Թորոսյանի հաղթանակն առաջին ատյանում և ավելացրեց վիրավորանքի հատուցման համար գումարի չափը

26 Մայիս, 2021

2019թ. նոյեմբերին Facebook սոցիալական ցանցում որպես օգտատեր գրանցված Սերգեյ Չամանյանն իր անձնական էջում կատարել էր հրապարակում՝ արատավորելով Առողջապահության նախարար Արսեն Թորոսյանի պատիվն ու արժանապատվությունը:

Արսեն Թորոսյանի շահերի պաշտպան, «AM» իրավաբանական ընկերության բաժնետեր, փաստաբան Դավիթ Հունանյանը դիմել էր դատարան՝ պահանջելով Սերգեյ Չամանյանից հրապարակայնորեն ներողություն խնդրել Առողջապահության նախարար Ա. Թորոսյանից:

Երևան քաղաքի ընդհանուր իրավասության դատարանը բավարարել էր «AM»-ի փաստաբան Դավիթ Հունանյանի պահանջը և պարտավորեցրել Սերգեյ Չամանյանին Facebook սոցիալական ցանցի անձնական էջով կամ առնվազն հինգ հազար տպաքանակ ունեցող տպագիր մամուլի միջոցով հրապարակայնորեն ներողություն խնդրել Առողջապահության նախարարից վիրավորանք պարունակող արտահայտությունների համար, ինչպես նաև նախատեսել է փոխհատուցում վիրավորանքի համար:

Չհամաձայնելով վճռի հետ՝ Ս. Չամանյանի փաստաբանը բողոքարկել էր դատարանի վճիռը: «AM» իրավաբանական ընկերության բաժնետեր, փաստաբան Դավիթ Հունանյանի կողմից նույնպես ներկայացվել էր բողոք՝ հատուցման չափի ավելացման վերաբերյալ: Արդյունքում, Վերաքննիչ դատարանը վերահաստատեց առաջին ատյանի դիրքորոշումը, ինչպես նաև ավելացրեց Արսեն Թորոսյանին հասցրած վիրավորանքի համար հատուցման չափը:

 

Կարծիքներ
Facebook
 

Կապվել մեզ հետ