Զավեն Գրիգորյանի պաշտպան, «AM» իրավաբանական ընկերության բաժնետեր Լևոն Սահակյանը գործի վերաբերյալ նոր մանրամասներ է հայտնել
«Փոխգնդապետ Արա Մխիթարյանի առողջությանը ծանր վնաս պատճառելու գործով Զավեն Գրիգորյանի դեմ ցուցմունք տված զինվորականների նկատմամբ սուտ մատնության (զուգորդված առանձնապես ծանր հանցագործության մեջ անձին մեղադրելով) հատկանիշներով քրեական հետապնդում կիրականացվի»,- այս մասին Civic.am-ի հետ զրույցում ասել է Զավեն Գրիգորյանի պաշտպան, «AM» իրավաբանական ընկերության բաժնետեր Լևոն Սահակյանը։
Ըստ պաշտպանի այդ ամիսների ընթացքում և դրանից հետո մինչ օրս իրենք պնդում են, որ Զավեն Գրիգորյանը դարձել է սուտ մատնության զոհ և նա դեպքի վայրում պարզապես չի եղել։
Ու չնայած Զավեն Գրիգորյանի նկատմամբ քրեական հետապնդումը դադարեցվեց, բայց այդ որոշմամբ նաև քննիչը եկավ եզրահանգման, որ հիմքեր չկան քրեական հետապնում իրականացնելու Լևոն Հարությունյանի, Մխիթար Մելքոնյանի և Մարիամ Հունանյանի նկատմամբ, ովքեր սույն գործով ցուցմունքներ էին տվել Զավեն Գրիգորյանի դեմ և նշել, որ տեսել են Զավեն Գրիգորյանին Արա Մխիթարյանին հարվածելիս։
Փաստաբանի փոխանցմամբ որոշումն այդ մասով իրենք բողոքարկել են, ինչն առաջին ատյանի դատարանը բավարարել է, որից հետո նշված որոշումը բողոքարկվել է վերաքննիչ դատարան՝ դատախազի կողմից։ Վերաքննիչ դատարանը որոշումը թողել է անփոփոխ, այնուհետև գլխավոր դատախազի տեղակալի կողմից որոշումը բողոքարկվել է վճռաբեկ դատարան, որը մերժել է դատախազի բողոքը վարույթ ընդունել։
Առավել մանրամասն` տեսանյութում:
