Իրական կյանքի և դասագրքային գիտելիքների տարբերությունը՝ Ֆրանսիական համալսարանի ուսանողներին

10 Ապրիլ, 2017

Ֆրանսիական համալասարանի իրավաբանության ֆակուլտետի տասնյակ  ուսանողներ հնարավորություն ունեցան օրենքի կիրառման հայաստանյան իրականությունը համեմատել ու համադրել իրենց տեսական գիտելիքների հետ՝ այցելելով երկրի ամենախոշոր իրավաբանական ընկերություն:

«AM» իրավաբանական ընկերությունն իր  գլխամասային գրասենյակում հյուրընկալեց Լիոնի Ժան-Մուլեն 3 համալսարանի մասնաճյուղը հանդիսացող Հայաստանում Ֆրանսիական համալասարանի իրավաբանության ֆակուլտետի  ուսանողներին: Հանդիպման ընթացքում ընկերության գլխավոր իրավախորհրդատու, փաստաբան Նարինե Սարգսյանն ուսանողներին ներկայացրել է պետական մարմինների հետ աշխատանքի դժվարությունները և իրավունքի տարբեր ոլորտներում օրենսդրական բացերն ու խնդիրները:

Ուսանողներին հետաքրքել է, թե որքանո՞վ է Հայաստանում արդիական միջազգային մասնավոր իրավունքը, և թե «AM» ընկերության կողմից ի՞նչ ծառայություններ են մատուցվում օտարերկրյա ներդրողներին: Ուսանողներին ներկայացվել է տվյալ բնագավառում ընկերության փորձը, միջազգային մասնավոր իրավունքի ոլորտում ծառայություններ մատուցելիս առաջացող հնարավոր խնդիրները և դրանց լուծման ուղիները:

Ծավալված քննարկման արդյունքում ուսանողները հնարավորություն են ստացել առավել հստակ պատկերացում կազմել իրավաբանի պրակտիկ աշխատանքի վերաբերյալ: Ապագա իրավաբաններին ներկայացվել են նաև հետագայում «АМ» ընկերությունում աշխատանքի ընդունվելու կամ պրակտիկա անցնելու հնարավորություններն ու ընթացակարգերը:

Լրահոս
Կարծիքներ
Facebook
 

Կապվել մեզ հետ