«AM» իրավաբանական ընկերությունը հյուրընկալել էր «Եվրասիա» միջազգային համալսարանի ուսանողներին:

8 Փետրվար, 2018

«AM» իրավաբանական ընկերությունը հյուրընկալել էր «Եվրասիա» միջազգային համալսարանի ուսանողներին:

Քրեական գործերով մասնագիտացած փաստաբան և «AM» ընկերության բաժնետեր Լևոն Սահակյանը ուսանողներին ներկայացրեց նրանց հետաքրքրող քրեական իրավունքի մի շարք տեսական և պրակտիկ հարցեր, ինչպիսիք են հանցակազմի տարրերի հատկանիշները, քրեական պատասխանատվությունը մեղմացնող և խստացնող հանգամանքները:

Ուսանողներին հատկապես հետաքրքրեց քրեական պատասխանատվությունը բացառող անհրաժեշտ պաշտպանության և ծայրահեղ անհրաժեշտության ինստիտուտները, որոնց շուրջ տեղի ունեցավ ինտերակտիվ քննարկում. բերվեցին բազում պրակտիկ օրինակներ, իսկ տեսական խնդիրների լուծումն օգնեց ուսանողներին առավել պատկերավոր ընկալելու իրենց հետաքրքրող հարցերի գործնական պատասխանները: 
Հանդիպման շրջանակներում ճանաչված և փորձառու փաստաբան Լևոն Սահակյանը ուսանողներին ներկայացրեց նաև «AM» իրավաբանական ընկերության քրեական գործերով զբաղվող փաստաբանների աշխատանքային առօրյան և աշխատելաոճը:

Հանդիպման ավարտին ուսանողները շնորհակալություն հայտնեցին ձեռքբերած նոր գիտելիքների համար և հետաքրքրվեցին «AM»-ում ուսումնական պրակտիկա անցնելու հնարավորության մասին:

Լրահոս
Կարծիքներ
Facebook
 

Կապվել մեզ հետ